Seinastu tíðindi
17. desember

Tilmelding til komandi skúlaár

Enn er møguligt at melda til komandi skúlaár á heimasíðuni: https://litliskuli.fo/tilmelding. Vit skulu gera vart við, at bert fá pláss eru eftir.

 

Í Lítlaskúla eru vit sannførd um, at børn hava lættast við at læra ígjøgnum verkligar tilgongdir og upplivingar. Tí hava vit ein fastan útiskúladag um vikuna og 5-6 evnisvikur hvørt ár. Hesin læruháttur gevur børnunum møguleika fyri at læra um ávís evni á ein øðrvísi hátt. T.d. hava næmingarnir í yngru flokkunum seinastu vikurnar havt útiskúla í Viðarlundini, har teir hava arbeitt við føroyskum, støddfrøði, heimstaðarlæru og søgu. Umframt at ein tílíkur útiskúladagur altíð hevur eitt ávíst fakligt endamál, fáa næmingarnir eina rúgvu av sansastimbrandi upplivingum, ið hava gagnliga ávirkan á menningina og læringina.

 

Í Lítlaskúla ynskja vit, at øll kenna hvønn annan og hava møguleika at skapa sambond sínámillum uttan mun til árgang og aldur. Vit arbeiða eisini við blandaðum árgangum. Hetta hava vit sera góðar royndir við - vit síggja nýggj vinarbond blóma, og at teir eldru næmingarnir taka ábyrgd og hjálpa teimum yngru. Á hendan hátt fáa næmingarnir eftir okkara sannføring eina kenslu av felagsskapi og tryggleika, ið er ein fortreyt fyri trivnaði og menning.

  


Gleðilig jól
23.12.2019
Tilmelding til komandi skúlaár
17.12.2019
Næmingar syngja til frama fyri Beran
17.12.2019
Jólahald í Lítlaskúla 2019
05.12.2019
Góða heyst­frítíð
13.10.2019
Felags foreldrafundur fyri eldru næmingunum
19.09.2019
Eftirvals­kanning 31.08.2019
05.09.2019
Felags foreldrafundur
04.09.2019