Tilmelding

Tilmelding

Tilmelding fer fram á oyðublaði, sum er á breddanum til høgru.

Upptøka til forskúlan í Lítlaskúla

Pláss er fyri 18 børnum í forskúlanum. Sum meginregla verður tikið inn í teirri raðfylgju, sum tey eru meldaði til. Tó fylgja vit eisini niðanfyri nevndu treytum:

  1. Miðað verður eftir at kynsbýtið er javnt í flokkinum.
  2. Systkin hava framíhjárætt.
  3. Børn hjá starvsfólkum hava framíhjárætt.
  4. Í Lítlaskúla er umráðandi, at øll fáa eitt hóskandi og mennandi tilboð, og tí verða børn við serligum tørvi tikin inn eftir umstøðunum. 

Øll tey uppskrivaðu verða boðin til samrøðu í fyrru helvt av januar. Samrøðan fer at snúgva seg um, um hetta er rættað tilboðið fyri barn og foreldur. 

Um fult er í forskúlanum, er møguligt at koma á bíðilista.

Upptøka til 1.flokk

Børn í forskúlanum hava framíhjárætt at flyta upp í 1.flokk. Um pláss er, taka vit eisini nýggjar næmingar í 1.flokk. Mannagongdin er tann sama sum upptøkan til forskúlan, sí omanfyri.

Tit eru altíð vælkomin at venda tykkum til skúlan, ella støkka inn á gólvið.