Innskriving í Lítlaskúla fer fram á oyðublaði, sum er á breddanum til høgru.

Forskúli

Sum meginregla verður tikið inn í teirri raðfylgju, sum børn eru meldaði til. Tó arbeiða vit eisini eftir hesum leistinum:

• Miðað verður eftir at kynsbýtið er javnt í flokkinum
• Systkin hava framíhjárætt
• Børn hjá starvsfólkum hava framíhjárætt
• Í Lítlaskúla er umráðandi, at øll fáa eitt hóskandi og mennandi tilboð, og tí verða børn við serligum tørvi tikin inn eftir umstøðunum.
• Sum meginregla verða einans børn, sum ætla at halda fram í 1. flokki og víðari tikin inn í forskúlan. 

Øll tey uppskrivaðu verða boðin til samrøðu. Samrøðan fer at snúgva seg um, um hetta er rættað tilboðið fyri barn og foreldur. 

Fult er í forskúlanum til skúlaárið 24/25. Møguligt er at skriva seg á bíðilista við at útfylla innskrivingarskjalið. 

Eisini ber til longu nú at skriva børn upp til forskúla í 25/26. 

1. flokkur

Børn í forskúlanum hava framíhjárætt at flyta upp í 1.flokk. Um pláss er, taka vit eisini nýggjar næmingar í 1.flokk. Mannagongdin er tann sama sum upptøkan til forskúlan, sí omanfyri.

Tit eru altíð vælkomin at venda tykkum til skúlan á litliskuli@skulin.fo ella við at ringja á tlf.755090.

Eldri flokkar

Einstøk pláss eru tøk í summum av eldru flokkunum. Um tú ynskir at skriva barnið inn á eitt eldri floksstig, skalt tú bara seta set í samband við skúlan.