Matarskipan 4 dagar um vikuna

Í Lítlaskúla hava vit matarskipan 4 dagar um vikuna, har næmingarnir fáa frukt og grønmeti í fríkorterinum fyrrapartin og antin breyð við viðskera ella heitan mat til miðmála. 

Vit leggja okkum eftir at hava eina heilsugóða og fjølbroytta matarskipan, sum miðar eftir at vera burðardygg, føðslurøtt og vælsmakkandi, og sum stuðlar undir trivnaðinum hjá børnunum.

Matarsteðgurin er ein hugnalig felags løta, har næmingarnir eta saman við læraranum. Tað at øll hava sama úrval eggjar næmingunum at royna ymisk sløg av mati. 

Á vikuliga útidegnum hava børnini matpakka við.

Tá evnisvikur, seturskúli ella onnur serlig átøk, hava børnini eisini vanliga matpakka við. 

Forskúlabørnini rinda matargjald afturat gjaldinum fyri forskúla, sum fer til Tórshavnar kommunu, og hjá 1.-6. flokki er matarskipanin íroknað skúlagjaldið. 

Í frítíðarskúlanum fáa børnini millummála hvønn dag.