Fríggjadagin 6. mai var almennur ruddingardagur fyri skúlar og stovnar í Tórshavnar kommunu. Vit í Lítlaskúla luttóku í ruddingini og ruddaðu økið rundan um skúlan, Tjarnargarð og Hoyvíkstjørn. Seinnapartin var garðdagur, har foreldur og onnur avvarðandi komu at rudda og fríðka um í garðinum. Nógv fólk møttu upp til garðdagin, og ein rúgva kom burturúr. Har varð málað, lúkað, plantað, takrennurnar blivu reinasaðar, málini á vøllinum skift, høvuðsreingerð og mangt annað. Dagurin endaði við einari felags máltíð, ið foreldrini skipaðu fyri. 

Túsund takk fyri ein deiligan garðdag øll somul.