Heilar kr. 15.000,- komu inn til innsavningina til átakið "Øll hava rætt til góð barnaár" hjá Bláa Krossi. 

Í dag varð kekkurin handaður Alisu Hammer frá Bláa Krossi. Alisa takkaði fyri og greiddi næmingunum í Lítlaskúla frá, hvat peningurin verður nýttur til, og hvussu stóran týdning tílíkar gávur hava fyri teirra virksemi.

Tað var Gunnar Akraberg Hansen úr 5. flokki í Lítlaskúla, ið handaði kekkin. Gunnar stóð fyri upptøkuni og stroymingini av framførslunum í sambandi við innsavningina.

Vit vilja við hesum hjartaliga takka tykkum øllum, sum stuðlaðu tiltakinum.