Í januar hava næmingar í Lítlaskúla arbeitt við nýggjársrøðum, har tey hvør í sínum lag hava skrivað um serligar hendingar í 2019, umframt hvørji ynski tey hava til nýggja árið. Í hesum sambandi vóru næmingar úr 4.-6. flokki á vitjan á Tinganesi hjá løgmanni og í Løgtinginum. Næmingarnir høvdu fyrireikað seg væl við spurningum um politisku skipanina og hvussu tað er at starvast í Løgtinginum. Eisini fingu næmingarnir høvi at halda sína persónligu nýggjársrøðu fyri løgmanni.