Í forskúlanum í Lítlaskúla hava vit í huganum, at børnini kundu gingið í barnagarði, og tíðskil er forskúlin ein samanrenning millum barnagarð og skúla.

Lærari og námsfrøðingur arbeiða saman í forskúlanum, um læringina og menningina hjá børnunum. 

Endamálið í forskúlanum er, at børnini gerast enn meira sjálvbjargin innan tað sosiala, motoriska, kensluliga og praktiskta. Hetta verður arbeitt við gjøgnum eini blanding av spæli og skúla. 

Forskúlin hevur eins og skúlin 1 útidag um vikuna, kórsang hvørja viku og 5 evnisvikur.

Børn í forskúlanum koma frá ymsum býarpørtum í Tórshavnar Kommunu, tí verður arbeitt við relatiónum barnana millum fyrstu tíðina, tey eru byrjað í forskúla. 

 

Í forskúlanum eru í mesta lagið 18 børn og miðja verður eftir jøvnum kynsbýti.  Í Lítlaskúla er umráðandi, at øll fáa eitt hóskandi og mennandi tilboð, og tí verða børn við serligum tørvi tikin inn eftir umstøðunum.