So er fyrsta vikan av hesum skúlaárinum farin um bak, og sum tað er deiligt at síggja bæði kend og nýggj andlit í Lítlaskúla. Fleiri nýggir næmingar eru byrjaðir í teimum ymisku flokkunum, eins og ein heilt nýggjur forskúlaflokkur er byrjaður. Hjartaliga vælkomin tit øll. 

Hesa fyrstu vikuna hava næmingarnir fyrstu dagarnar í høvuðsheitum arbeitt saman í flokkinum saman við flokslæraranum, meðan tað seinni í vikuni hevur verið skipað fyri felags tiltøkum, har næmingar úr ymisku flokkunum hava arbeitt saman. Vikan endaði við einum frálíkum felags útidegi í Havnadali. 
 
Vit gleða okkum til enn eitt læruríkt og mennandi ár í Lítlaskúla.