Gleðilig jól
Hósdagin 21. desember fóru vit í Lítlaskúla í jólafrí. Okkara kæru grannar Adventskirkjan og Tjarnargarður vórðu við til at seta ein heilt serligan dám á hendan seinasta skúladagin í 2018. Fyrrapartin vórðu vit boðin í Adventskirkjuna til gudstænastu, og siðani til holukøkur og annað gott í kirkjukjallaranum. Síðani var jóladøgurði i skúlanum, og kl. 15 byrjaði jólahaldið fyri foreldrum og avvarðandi. Hetta varð hildið í garðinum hjá Tjarnargarði, har næmingar framførdu jólaløg, Santa Lucia-gongu og dansað varð um jólatræið. Eisini varð peningurin, ið næmingarnir høvdu savnað inn í evnisvikuni, handaður Barnabata.
Vit í Lítlaskúla vilja hervið takka fyri framúr gott samstarv bæði við Adventskirkjuna, Tjarnargarð og foreldur/avvarðandi fyri ein sera hugnaligan dag. Samstundis vilja vit ynskja øllum eini gleðilig jól og eitt eydnuberandi nýggjár.