Í viku 49 var evnisvika um jól. Vikan byrjaði við, at næmingarnir fóru út á ymiskar fyritøkur og á Vaglið at syngja við tí endamálið at savna pening til Jólahjálpina 2018 hjá Barnabata. Restina av vikuni arbeiddu næmingarnir í fýra ymiskum verkstøðum: 1. Søgan um jól, 2. Jól í øðrum londum, 3. Jól fyrr og nú og 4. Næstakærleiki.

Vikan endaði við loppumarknaði. Næmingar og onnur høvdu møguleika at leiga sær borð, so tey kundu selja leikur, bøkur o.a. Eisini var sølubásur við kaffi, te, vaflum, heimagjørdum bommi, brendum mandlum og piparnøtum. Peningurin, ið kom inn fór somuleiðis til Jólahjálpina 2018. Heilar kr. 18.600,- vórðu savnaðar inn hesa vikuna. Hendan upphæddin kann hjálpa uml 18-20 familjum.