Innskrivingin til fólkaskúlarnar er nú liðug, men í Lítlaskúla hava vit onga fasta innskrivingarfreist.

Sum frískúli taka vit ímóti innskrivingum, tá ið familjur hava tørv á at taka støðu – og tá ið tað passar teimum. Til komandi skúlaár eru í løtuni 5 pláss tøk í forskúlanum. Eisini ber til at skriva børn upp til 1. flokk. 

Vit arbeiða við smáum flokkum og einum tryggum, fjølbroyttum gerandisdegi, har læring, skapandi arbeiði, rørsla og felagsskapur eru ein natúrligir partar av skúladegnum.

Foreldur, ið vilja vita meira, eru vælkomin at seta seg í samband við okkum ella lesa meira á heimasíðuni.