Á foreldrafundi týskvøldið 17. september var val av foreldrumboðum til stýrið í Lítlaskúla á skránni. Foreldraumboðini verða vald í tvey ár í senn og sita vanliga sum forfólk og varaforfólk í stýrinum. 

Sitandi stýrislimir, Christina Dam-Andersen og Sunnuva Bæk, stillaðu báðar uppaftur og vórðu afturvaldar. Afturat teimum sita Birgir Sondum og Sæbjørn Johannesen vegna áhugabólkin, sum stovanaði skúla, Gunnvá Højgaard Mohr vegna starvsfólkini, Gunvør Hofgaard fyri leiðsluna og Kári Johansen fyri Tórshavnar kommunu. 

Stýrið legði fram, at dentur hesi seinastu tvey árini hevur verið at tryggjað stovninum ein haldføran rakstur og at endurskoða fíggjar- og aðrar rakstrarskipanir. Hetta er eydnast væl, og næstu tvey árini er ætlanin at fokusera meira á visjónir og framtíðarætlanir. 

Lítliskúli er ein skúli í støðugari menning, og vit eru sannførd um, at samfelagið hevur tørv á okkara frálíka skúlatilboði.