Seinastu tíðindi
13. juni

Takk fyri vitjanina á Summarmarknaðinum

Túsund takk fyri vitjanina tit øll sum komu framvið á Summarmarknaðinum, sum var í Lítlaskúla á Mentanarnáttini 7. juni.

Í eina góða viku undan Summarmarknaðinum høvdu næmingarnir evnisviku, har tey arbeiddu í fýra ymiskum verkstovum;

  • Prent - arbeitt varð við ymiskum sløgi av prenti, og prentað varð bæði á papír og toy. Eisini vóru vit og vitjaðu Steinprent, har vit lærdu meira um prent og fingu íblástur
  • Rabarbur & smúkkur - vit gjørdu smúkkur av ymiskum slagi, rabarbusúltutoy og rabarbusaft. Eisini bakaðu vit vaflur til Summarmarknaðin
  • Sjónleik & tónleik - vit arbeiddu við leikinum um Klintrimús og hini dýrini í Valbakkaskóginum. Nøkur vandu sjónleik, onnur vandu tónleik á ymiskum ljóðførum, og so vóru nøkur handan leiktjøldini sum syrgdu fyri búnum og øðrum tilhoyri
  • Tilhoyr - hendan verkstovan stóð fyri alskins praktiskum uppgávum, sum m.a. vóru at gera skeltir og pallsmíð, rokna prísir, gera og selja atgongumerkir, og kortleggja hvar ymisku virksemini skuldu vera.

Í frítíðarskúlanum vóru eisini ymiskar verkstovur uppundir Summarmarknaðinum, har børnini m.a. prýddu krukkur við turkaðum blómum, gjørdu kropsskrubb við kaffigruggi, plantaðu, gjørdu smúkkur og lyklaringar o.a.

Á sjálvum degnum bar til at keypa lutir, sum næmingarnir høvdu gjørt, fara á loppumarknað, hoyra góðan tónleik, telva ímóti føroyameistaranum í talvi, síggja sjónleik, fáa andlitsmáling, gera sær eitt grashøvd og ikki minst keypa sær okkurt gott úr kafé-ini.

Hugskotið til Summarmarknaðin er komið frá næmingaráðnum, sum hevur tikið stig til at savna pening til nýtt spælipláss til Lítlaskúla. Hetta er 2. árið á rað at skipað hevur verið fyri Summarmarknaði á Mentanarnáttini.

Við hesum myndum frá ársins Summarmarknaði vilja vit enn eina ferð takka fyri vitjanina og ynskja øllum eitt gott summar.


Starvs­fólk til Frítíðarskúlan í Lítlaskúla 
28.06.2024
Takk fyri vitjanina á Summar­marknaðinum
13.06.2024
Skráin til summar­marknaðin
07.06.2024
Summar­marknaður á mentan­arnáttini
30.05.2024
Næmingar handaðu spælihetju­num stuðul
22.05.2024
Loppu­marknaður 7. juni - leiga borð
16.05.2024
Garðdagur og ruddingardagur
10.05.2024
Bíðilisti til forskúlan 24/­25
12.04.2024