Seinastu tíðindi
10. mai

Garðdagur og ruddingardagur

Túsund takk fyri ein deiligan garðdag seinasta fríggjadag. So deiligt at síggja so nógv foreldur og onnur avvarðandi, sum ár eftir ár eru fús at hjálpa til við at rudda og fríðka um garðin hjá okkum. 

Hesa ferð var høvuðsuppgávan at taka gamla spæliplássið niður, og við nógvum góðum kreftum var hetta skjótt ornað. Harafturat varð m.a. lúkað, málað og feiðað, umframt at runnar vórðu skornir og hegn tikin niður.

Dagurin endaði við einari máltíð, har øll høvdu eitthvørt við til stóra sjálvtøkuborðið.

Mikudagin 8. mai var Lítliskúli við til almenna ruddingardagin hjá Tórshavnar kommunu, og tá fóru allir næmingar út at rudda okkara økið, sum er runt um skúlan, runt Tjarnagarð og Hoyvíkstjørn.

Í dag er lagdur frídagur, og vit ynskja tykkum øllum eitt gott vikuskifti.


Gleðiligar páskir
19.04.2025
Skrivstovu­fólk til Lítlaskúla
11.04.2025
Føstulávint 2025
10.03.2025
Nýtt spælipláss á økinum ímillum Lítlaskúla og Tjarnargarð
07.02.2025
Vangamynd: Elspa
30.01.2025
Barna­ráð­stevna
23.01.2025
Vangamynd: Eivind
19.01.2025
Telefon­politikkur
09.01.2025