Seinastu tíðindi
20. november

Altjóða barnarættindadagur

Í dag 20. novembur er altjóða barnarættindadagur, og næmingaráðið í Lítlaskúla hevur verið í Fuglafjarðar skúla og hátíðarhildið dagin saman við næmingaráðum úr øllum Føroyum.

Djóni Nolsøe Joensen, landstýrismaður í barna- og útbúgvingarmálum setti dagin, og hann legði m.a. dent á, at børn í Føroyum skulu hava eina rødd, og at Føroyar skal vera heimsins besta land at vaksa upp og liva í. Næmingaráðini hava rætt til at hava ávirkan á skúlagongdina og leiðslu skúlans.

Hanna Vang, barnanna umboðsmaður greiddi frá ymiskum rættindum, sum børn hava, og vísti á heimasíðuna www.bum.fo, har børn kunnu lesa barnarættindasáttmálan og venda sær, um tey ikki vera rætt viðfarin. Hon legði serliga dent á hesi pkt. úr barnarættindasáttmálanum:

  • at børn hava rætt at siga sína meining
  • at tað ikki er loyvt at gera mannamun vegna útsjónd, kyn, átrúnað, osv.
  • at børn skulu verjast ímóti harðskapi
  • at børn, ið bera brek, skulu kunnu luttaka á jøvnum føti við onnur børn
  • at børn hava rætt til góð lívskor – mat, hita, tryggleika, lærdóm og kærleika,
  • at børn hava rætt til undirvísing
  • at barnaarbeiði ikki er loyvt – børn skulu vera børn.

Eisini vóru tónleikaframførslur, spæl o.a. á skránni. Vit takka Fuglafjarðar skúla fyri innbjóðingina at halda dagin saman við teimum.


Altjóða barna­rættindadagur
20.11.2023
Mín Jólabók 2023
03.11.2023
Námsfrøði­ligur stuðul til tíðaravmarkað starv í innskúlingini
03.11.2023
Heyst­fagnaður 2023
06.10.2023
Summarfrí og fyrsti skúladagur 2023/­2024
04.07.2023
Takk fyri vitjanina á Summar­marknaðinum
04.06.2023
Summar­marknaður í Lítlaskúla 2. juni
31.05.2023
Garðdagur
19.04.2023