Páskafrítíðin longd
Góðu foreldur
MMR boðar í skrivi frá, at páskafrítíðin er longd til 20.apríl.
20.apríl verður skúlagondin varliga tikin upp aftur.
Forskúli, 1., 2. og 3. flokkur kunnu møta í skúla hvønn dag.Tað er ikki eitt krav, at næmingarnir í grunddeildini møta í skúla. Foreldrini taka avgerð um hetta. At møta í skúla er tískil eitt val, og tey, ið ikki ynskja at senda børnini í skúla, boða flokslæraranum frá. Hesir næmingarnir fáa so skúlating frá lærarunum at gera hvønn dag, so leingi, sum skúlin verður skipaður á henda hátt.
Tit frætta aftur frá okkum eftir páskir, hvussu frítíðarskúlin fer at hava opið.
4.-6. flokkur fara at hava fjarundirvísing eins og vit høvdu undan páskaferiuni. Undirvísingin byrjar somuleiðis 20.apríl og kravt er, at næmingar í 4.-6. skulu fylgja fjarundirvísingini og gera uppgávur sambært vikuætlanini.
Latið okkum endiliga frætta, um tit hava ivamál.
Við ynskjum um einar góðar og tryggar páskir.
Blíðar heilsur
Jenny og Gunvør