Hetta er vangin hjá 6.flokki

Her finna tit vikuætlan, tímatalvu, boð og myndir hjá flokkinum.

Seturskúli í Sørvági 27. – 29. Aug 2025

Góðu næmingar og foreldur

Miðdeildin (4., 5. og 6.fl.) skal á seturskúla mikudagin 27. august til fríggjadagin 29.august.

Vit hava umbiðið húsini hjá Húsmøðrafelagnum at vera í. Húsini eru sera væl egnað til seturskúla. Har er góður køkur, madrassur at sova á, borð og stólar, 2 ves og brúsa.

Øll skulu møta á skúlanum sum vanligt mikumorgun 27/8, og bussur koyrir okkum til Sørvágs kl. 9. Fyrsta dagin fara vit at ganga til Bíggjar. Har eta vit matpakka og tey, sum vilja svimja í sjónum, eru vælkomin at gera tað har. Komin aftur til Sørvágs fáa vit okkum ein drekkamunn og spæla nøkur spøl/gera nakrar aktivitetir. Vit eta pasta og kjøtsós til náttura, og hugna okkum um kvøldið. Tá kl. er 22 er tað friður.  

Dagin eftir eta vit morgunmat saman og gera eitt sindur av yoga. Síðan er ætlanin at ganga ein fjallatúr, sum hóskar til veðrið og ættina. Um tað ikki viðrar, so skipa vit fyri postarenning og øðrum aktivitetum í bygdini. Seinnapartin er drekkamunnur og um kvøldi bíleggja vit pitsa og hugna okkum við m.a. spurnarkapping og spølum.

Tá vit vakna næsta morgun, eta vit ein góðan morgunmat og gera klárt at fara avstað. Bussur heintar okkum kl. 11 og koyrir okkum beinleiðis til Lítlaskúla.

Børnini skulu hava hetta við: 

Soviposa (kodda um neyðugt)
Matpakka við til fyrsta dagin á middegi
Vatndunk
Túrtasku
Tannbust, tannkrem, handklæði og hárbust
Heita troyggju, húgvu og vøttir/handskar
Regnklæðir
Svimjiklæðir
Nóg mikið av skiftiklæðum og sokkum
Gummistilvar og góðar skógvar
Lesibók og/ella dagbók
Heiligvág, um neyðugt
 

Týdningarmikið er, at børnini sjálvi klára at bera sítt viðføri. Gott í tykkum, um tit náa at lata barnið pakka viðføri og rulla soviposan sjálvt. 

Vit fara at biðja tykkum foreldur um at baka eitthvørt til túrin. Hetta er uppgáva hjá foreldraumboðunum.

Børnini skulu ikki hava telefon ella aðrar skýggjar við. Vit vaksnu hava telefon við, so til ber at samskifta umvegis okkum.

Tað er loyvi at hava lummapengar við, tó í mesta lagið 50 kr.

Skúlin rindar helvtina av kostnaðinum av Seturskúlanum, meðan næmingar gjalda hina helvtina. Hvør næmingur skal gjalda 300 kr. Vinarliga flytið peniningin á 9181-4944633 sum skjótast. Viðmerk navn barsins.

Vit gleða okkum so sera nógv!

 

Heilsan

Eivind, tlf. 221910, Teitur, tlf. 265107 og Christa, tlf. 507906