Fráfaringarløta fyri Guðruni Horn
Týsdagin 6.september varð Guðrun Horn hátíðarhildin við fráfaringarløtu fyri bæði børn og vaksin.
Guðrun Horn hevur valgt at gevast sum leiðari í Frítíðarskúlanum í Lítlaskúla, sum hon hevur verið leiðari av síðan mai 2017.
Tit sum kenna Guðruna vita, at hon er ein kvinna við nógvum jørnum í eldinum og hevur evnir sum fáur at fáa ting frá hondini. Vit sum hava verið um hana dagliga hava so mangan hoyrt hana siga: “Onki problem, eg kann ringja til....” – og so fær hon ting at henda. Hon hevur m.a. arbeitt nógv fyri uttanduraøkinum í Lítlaskúla, har hon m.a. hevur staðið fyri klatristativið við undirlagi, stórari reiggju og snilda súklubananum – alt við sama endamáli, at fáa rørslu inn í gerandisdagin hjá børnum.
Til hátíðarhaldið vóru børn, foreldur, starvsfólk og 2 umboð fyri Tórshavnar Kommunu. Guðrun fekk handað blómutyssi og ein litríkan málning, sum børnini í Frítíðarskúlanum hava málað.
Vit vilja takka Guðruna fyri tað megnar arbeiðið hon hevur framt í Lítlaskúla og ynskja henni alt tað besta framyvir.