Seinastu tvær vikurnar hava yngru flokkarnir verið aftur í skúla. Skúlagongdin hevur verið nakað ørvísi nú vit t.d. ikki kunnu hava heilar flokkar í floksstovuni, næmingar ikki kunnu spæla við næmingar úr øðrum flokkum osv. Hóast hetta, so hava vit í Lítlaskúla havt tvær sera læruríkar og mennandi vikur. 3. flokkur hevur havt undirvísing úti í náttúruni burturav, meðan forskúlin, 1. og 2. flokkur hava havt undirvísing bæði innan- og uttandura. 

Korona tilmælini hava eisini ávirkað frítíðarskúlavirksemið, ið somuleiðis í stóran mun hevur verið uttandura við nógvum góðum túrum og frískari luft. Deiligt at síggja hvussu glað børnini eru fyri at síggja hvønn annan aftur. 

Myndirnar lýsa hesar báðar seinastu vikurnar í Lítlaskúla.

Vit eru nú í gongd við at fyrireika okkum til at taka ímóti 4. og 5. flokki, og vit gleða okkum til Lítliskúli aftur verður fullmannaður.