Góðu foreldur og børn

Tann endaliga kunningin frá Undirvísingarstýrinum er ikki komin enn, so her kemur eitt sindur av kunning frá okkum.

Sum vit hoyrdu á tíðindafundinum í dag, fara landsins mynduleikar at seta tiltøk í verk í samband við coronastøðuna. Frá mánadegnum verða skúlar og stovnar stongdir í fyribils 14 dagar. Tey børn, sum hava møguleika at verða heima í morgin, verða biðin um at verða heima. Hesar 14 dagarnar skulu børnini hava bøkur heim við at arbeiða í. Tey, sum ikki eri í skúla í dag, mugu koma í morgin eftir bókum til børnini. Tey børn, ið koma í morgin, skulu hava matpakka við.

Øll vera biðin um at taka ØLL klæðir og stivlar/skógvar heim við í seinasta lagi í morgin.

Bestu heilsur

Vit øll í Lítlaskúla