Seinastu tíðindi
31.august 2017
Hjálparfólk til frítíðarskúlan


Vilt tú vera við til at at byggja upp eitt nýtt og spennandi frítíðarskúlatilboð í Havn?
Vit sóknast eftir einum ágrýtnum og eldhugaðum hjálparfólki, sum kann verða við til at mynda námsfrøðiliga grundarlag og vangamynd skúlans. Starvið er 15 tímar um vikuna.
Vit vænta:
• at tú dugir væl við børnum
• at tú ert kreativur og dugir at finna uppá ymiskt ítriv
• at tú ert jaligur, opin og lættur at samstarva við
• at tú hjálpsamur og ikki fírir fyri at taka hond í
• at tú kanst átaka tær fjølbroyttar uppgávur
Sum starvsfólk í Lítlaskúla ert tú partur av einum virknum umhvørvi, har tú sleppur at seta tín dám á gerandisdagin.
Løn og setanartreytir verða sambært sáttmála millum Fíggjarmálaráðið/KAF og Føroya Pedagogfelag. Setanin er frá 1. oktober 2017 ella skjótast til ber.
Er hetta nakað fyri teg, vilja vit fegin frætta frá tær. Send okkum eina umsókn við viðkomandi royndum til litliskuli@litliskuli.fo í seinasta lagi 15. september 2017.
Um tú hevur spurningar, kanst tú venda tær til deildarleiðaran fyri frítíðarskúlan í Lítlaskúla, Guðrun Horn, tel. 755090.
Lítliskúli er nýstovnaður frískúli í Tórshavn, sum liggur í náttúruríkum umhvørvi við Hoyvíksvegin, bert 100 metur frá Hoyvíkstjørn og 500 metur frá miðbýnum. Í frítíðarskúlanum eru 38 børn úr forskúla og innskúlingini.
Lítliskúli er eitt samskipað skúlatilboð, har forskúli, skúli, frítíðarskúli renna saman í eina heild. Námsfrøðiliga grundarlagið er heildarmenning, og vangamyndin er tónleikur, list og rørsla. Børnini í Lítlaskúla skulu sleppa at brúka bæði høvur og hendur og sítt skapandi hugflog. Vit leggja tí dent á verkligar tilgongdir, har fakliga innihaldið í so stóran mun sum til ber verður tongt at ítøkiligum avrikum og upplivingum.
Lítliskúli ● Hoyvíksvegur 56 ● tlf. 755080
www.litliskuli.com ● litliskuli@mail.fo