Søkt verður eftir skrivstovufólki, sum hevur hug at vera partur av okkara eldhugaða toymi og lítla skúla at byrja skjótast gjørligt.

Talan er um partíðarstarv á í miðal 10 t um vikuna.

 

Fremsta uppgávan er at skipa og reka skrivstovu skúlans í tøttum samstarvi skúlaleiðara.

Arbeiðsuppgávur fevna um vanligt skrivstovuarbeiði so sum:

• Telefon- og teldupostsamskifti og avgreiðslu
• Samskipan av fundum o.l.
• Fyrisitingarligt arbeiði
• Innkeyp av undirvísingartilfari'
• Umsita høilsleigu/nýtslu
• Ymiskt fyrifallandi

Vit bjóða eitt lívligt arbeiðspláss, sum er fult av glaðum næmingum og vaksnum. Vit hava ein góðan felagsskap og leggja stóran dent á trivnað!

 

Førleikakrøv

• Skrivstovuútbúgving ella líknandi og/ella royndir sum skrivstovufólk
• Góðar telduførleikar
• Dugir væl at samskifta á føroyskum í skrift og talu, og er tænastusinnað/-ur
• Góðar samstarvseginleikar
• Dugir at arbeiða sjálvstøðugt
• Væl skipað/-ur og virkisfús/-ur
• Hegni til at dagføra heimasíðu og sosialu miðlar skúlans er ynskiligt, men ikki eitt krav

 

Setanartreytir

Starvið verður sett sambært sáttmálanum millum Starvsfelagið og Kommunala Arbeiðsgevarafelagið í lønarflokki 4. Starvsbrøkurin er 0,25. Feria og frítið fylgir skúlaárinum. Barnaváttan krevst við setan.

 

Umsóknarfreistin er mánadagin 5.mai 2025

Umsókn og lívsrensl skulu sendast til skúlaleiðara í Lítlaskúla, Gunvør Hofgaard á litliskuli@skulin.fo. Spurningar til starvið kunnu stílast til skúlastýrislim, Sunnuvu Bæk á tlf. 210547.

 

Um Lítlaskúla

Lítliskúli er frískúli í Tórshavn, sum liggur í náttúruríkum umhvørvi við Hoyvíksvegin. Lítliskúli er eitt samskipað skúlatilboð, har forskúli, skúli og frítíðarskúli renna saman í eina heild. Á skúlanum starvast lærarar, námsfrøðingar, tónleikari, hjálparfólk, køksfólk, vaskifólk og skjótt eitt skrivstovufólk. Her ganga 80 børn í skúla frá forskúla til 6.flokk.

Les meira á www.litliskuli.fo