Seinastu tíðindi
5. juli

Lítliskúli søkir eftir stuðli til skúlaárið 2018/19

Vilt tú vera partur av einum spennandi tilboði í Havn?

Vit sóknast eftir einum ágrýtnum og eldhugaðum stuðli, sum kann verða við til at mynda námsfrøðiliga grundarlag og vangamynd skúlans. Starvið er 20-25 tímar í forskúla og frítíðarskúla.

Vit vænta:
• at tú dugir væl við børnum
• at tú ert kreativur og dugir at finna uppá ymiskt ítriv
• at tú ert jaligur, opin og lættur at samstarva við
• at tú hjálpsamur og ikki fírir fyri at taka hond í
• at tú kanst átaka tær fjølbroyttar uppgávur 

Sum starvsfólk í Lítlaskúla ert tú partur av einum virknum umhvørvi, har tú sleppur at seta tín dám á gerandisdagin.

Løn og setanartreytir verða sambært sáttmála millum Fíggjarmálaráðið/KAF og Føroya Pedagogfelag. Setanin er frá 16.august 2018.

Er hetta nakað fyri teg, vilja vit fegin frætta frá tær. Send okkum eina umsókn við viðkomandi royndum til litliskuli@litliskuli.fo viðmerk “Stuðul” í seinasta lagi 19. juli 2018.

Um tú hevur spurningar, kanst tú venda tær til varðaleiðara í Lítlaskúla, Gunvør Hofgaard, tel. 755080.

Lítliskúli er nýstovnaður frískúli í Tórshavn, sum liggur í náttúruríkum umhvørvi við Hoyvíksvegin, bert 100 metur frá Hoyvíkstjørn og 500 metur frá miðbýnum. Í frítíðarskúlanum eru 38 børn úr forskúla og innskúlingini.
Lítliskúli er eitt samskipað skúlatilboð, har forskúli, skúli, frítíðarskúli renna saman í eina heild. Námsfrøðiliga grundarlagið er heildarmenning, og vangamyndin er tónleikur, list og rørsla. Børnini í Lítlaskúla skulu sleppa at brúka bæði høvur og hendur og sítt skapandi hugflog. Vit leggja tí dent á verkligar tilgongdir, har fakliga innihaldið í so stóran mun sum til ber verður tongt at ítøkiligum avrikum og upplivingum.


Næmingar í Lítlaskúla syngja mánadagin 3.desember
29.11.2018
Evnisvika - heystið
26.10.2018
Frítíðar­skúlin í Lítlaskúla søkir eftir námsfrøðingi
05.09.2018
So fara vit aftur í skúla
31.07.2018
Lítliskúli søkir eftir stuðli til skúlaárið 2018/­19
05.07.2018
Góða summar­frítíð!
02.07.2018
Lítliskúli søkir lærara
22.06.2018
Lítliskúli søkir eftir námsfrøðingi
14.06.2018